Ir o contido principal

Centro de Información á Muller (CIM)

Que é?

O CIM, Centro de Información á Muller, é un recurso de titularidade municipal, dependente da Concellería de Servizos Sociais, Igualdade e Sanidade, no que se promove unha intervención global dirixida ás mulleres, proporcionando asesoramento xurídico, apoio psicolóxico, orientación sociolaboral, así como calquera outra información encamiñada á consecución da igualdade de oportunidades entre mulleres e homes.

Os CIM prestan atención e asesoramento a aquelas mulleres que o demanden, de forma individual ou colectiva, formando parte dun grupo ou asociación de mulleres, así como a calquera persoa, en asuntos relacionados coa promoción social da igualdade de xénero.

 

Como funciona?

  • Atención telefónica e directa baseada nos principios do anonimato, da confidencialidade e do respecto á vontade das mulleres.
  • Programación de actividades e campañas de sensibilización para fomentar a igualdade de oportunidades entre mulleres e homes e concienciar na necesidade de erradicar toda forma de violencia de xénero.

 

Servizos

  • Atención específica a mulleres vítimas de violencia de xénero.
  • Información sobre recursos dispoñibles na comunidade, cursos, xornadas, estudos en materia de igualdade e violencia de xénero.
  • Asesoramento xurídico e psicolóxico con cita previa.
  • Recepción de denuncias e queixas en materia de discriminación por razón de xénero ou por razón da identidade ou orientación sexual no ámbito da publicidade e nos medios de comunicación e traslado destas aos órganos competentes.

 

Horario

Horario atención ao público:

  • de luns a venres de 9.00 a 14.30.

Asesoramento xurídico:

  • martes de 8.30 a 15:00.
  • xoves de 11.30 a 15.00.

Asistencia psicolóxica:

  • de luns a venres de 9.00 a 14.00.

 

Teléfono da Muller: 900 400 273

O teléfono da Muller é un servizo gratuíto e anónimo que funciona as 24 horas do día, desde calquera teléfono fixo ou móbil e con cobertura para toda a Comunidade Autónoma. Responde nel un equipo multidisciplinar coordinado cos diferentes profesionais de toda Galicia.

Ministerio de Igualdade: 900 19 10 10

CIM

 

logoCIM