Ir o contido principal

Xuventude e voluntariado

A Concellería de Xuventude e Voluntariado de Cangas  ten como obxectivo a planificación, xestión, desenvolvemento e coordinación da programación municipal destinada á poboación entre 13 e 35 anos.

As infraestruturas municipais xestionadas pola Concellería de Xuventude son:

  • Casa da Xuventude (Rua Real, 29) , que acolle os servizos administrativos da Concellería, os Espazos de lecer infantil e xuvenil (Ludoteca)  a Oficina Municipal de Información Xuvenil (OMIX), A Oficina Municipal de Voluntariado, e o Consello Municipal de Deportes
  • Local de Ensaio (Cimadevila)

Os servizos que oferta a Concellería á poboación xuvenil resúmense en:

 

a) Información e asesoramento xuvenil, pondo a disposición da xuventude os recursos informativos que lles permitan desenvolverse como persoas en proceso cara a autonomía. Os eidos que se abordan son emprego, ocio e tempo libre, estudantes, cursos e obradoiros, asociacionismo, voluntariado, garantía xuvenil, emancipación, etc.
A labor de información realizase presencialmente na Casa da Xuventude, que, a súa vez, é onde se levan a cabo o labor de asesoramento e orientación xuvenil. 

Durante o curso académico tamén desenvolve un programa de difusión da información a través dos Correspondentes Xuvenis nos centros de educación secundaria.

 

b) Dinamización xuvenil, posibilitando a socialización dos mozos e mozas e a realización de actividades que lles permitan gozar do seu tempo libre e desenvolver as súas capacidades dun xeito saudable, creativo, e responsable. As programacións desenvólvense nos locais da Concellería de Xuventude:

  • Cursos e obradoiros xuvenís. Desenvolvense na Sala de Obradoiros da Casa da Xuventude
  • Certames: Cartas de amor e Comic
  • Campamentos de verán
  • Salón do comic: Programa bienal no que conviven exposicións con debuxantes e outras actividades relacionadas con esta disciplina artistica
  • Musicangas – Programa de Promoción de Bandas Locais
  • Tramitación de Carnes para a Mocidade

 

Os servizos que oferta a Concellería á poboación infantil resúmense en:


a) Ludoteca, posibilitando o desenvolvemento dos máis cativos e cativas a través do tempo libre educativo ao longo do curso académico e facilitando, asemade, a conciliación familiar
As programacións lévanse a cabo nos espazos de lecer infantil da Casa da Xuventude.

 

b) Enredos de Verán  (oferta de campamentos e actividades de verán do Concello de Cangas coa premisa de conciliar a vida Laboral e familiar)

Os Servizos que oferta para os /as voluntarios/as :

 

A oficina de Voluntariado de Cangas nace coa vocación de ofertar aos/ás voluntarios/as a posibilidade de satisface-las súas inquedanzas. Dende este servizo trátase de fomentar o movemento asociativo do voluntariado e crear un punto de información e orientación, establecendo a regulamentación que permita garanti-la participación e a coordinación de persoas que queiran colaborar nos programas ou eventos organizados dende as distintas áreas municipais ou asociacións locais.