Clausura dos obradoiros da Casa da Xuventude
Hoxe pola tarde tivo lugar a clausura do presente curso dos Obradoiros Infantís que se veñen realizando durante todo o ano na ludoteca da Casa da Xuventude.
Estas actividades organizadas dende a Concellería Mocidade e Voluntariado veñen realizándose nos últimos anos cun grande éxito de asistencia.
O programa foi configurado con actividades lúdicas para ensaiar e perfeccionar as habilidades, coñecementos e actitudes que acompañarán aos nen@s no decurso da súa vida.
Rapazas e rapaces de entre 4 e 12 anos disfrutaron dende o mes de outubro dos talleres de reciclaxe propostos para acadar os obxectivos os seguintes:
- Promover o desenvolvemento cognitivo, psicomotor, afectivo e social dos nenos/as.
- Conseguir que os pequenos/as adquiran hábitos saudables e construtivos no seu tempo de lecer.
- Axudar aos cativos/as a desenvolver a súa imaxinación e creatividade mediante o xogo, a lectura e a experimentación.
- Promover actitudes participativas nas actividades lúdicas e socioculturais.
- Establecer pautas e bases normativas cívicas e sociais de respecto e interacción nas actividades grupais
- Educar en valores.
- Detectar precozmente condutas inadecuadas como agresividade, illamento, retraso na maduración, marxinación, e desenvolver estratexias para reconducilas e modificalas adecuadamente.
- Log in to post comments