Obradoiro de Emprego Granxa da Rúa XI

O Obradoiro de Emprego Granxa da Rúa XI reinicia a súa actividade despois de rematar o primeiro trimestre de formación teórico-práctica para acadar o Certificado de Profesionalidade AGAR0309 “Actividades auxiliares en conservación e mellora de montes”.

Durante estes tres meses o alumnado-traballador recibiu formación que os capacitará profesionalmente para realizar traballos forestais no Concello de Cangas, tales como operación de desbroce e tala, repoboación de especies e o mantemento xeral dos montes do Cangas.

Este itinerario formativo complementouse coa visita á Estación fitopatolóxica Areeiro, xa que é un referente a nivel provincial para o asesoramento e información a agricultores especializándose na sanidade dos cultivos, especializándose no estudo e diagnose de patóxenos.