Por segundo ano chega a Cangas e Aldán o programa Enredos de verán

Nova proposta de campamentos de verán organizados polo Concello de Cangas. Apertura de inscricións o mércores día 26 de abril.

O Concello de Cangas a través das Concellarías de Ensino e Deportes, Servizos Sociais, Igualdade e Sanidade, e Xuventude e Voluntariado organiza por segundo ano o programa ENREDOS DE VERÁN 2017, que ten coma obxectivos principais:

• Fomentar a igualdade de oportunidade
• Crear un lugar de encontro entre rapaces e rapazas.
• Potenciar un modelo de sostenibilidade social.
• Promover a conciliación da vida persoal, familiar e laboral da cidadanía.
• Xerar unha rede de servizos sociocomunitarios diversos e flexibles.
• Desenvolver actividades para nenos e nenas fóra do horario escolar, en períodos vacacionais, tendo en conta a perspectiva de xénero.

O programa Enredos de Verán presenta as seguintes características:

• Dirixido a: Nenos/as de 3 a 12 anos .
• Grupo de 3-6 anos
• Grupo 7-10 anos.
• Grupo 11-12 anos
• Datas: Do 26 de xuño a 25 de agosto
• Turnos:
  • Dous días (martes e xoves)
  • Tres días (luns, mércores e venres)
  • Semán
  • Quincena
  • Mensual
• Horarios:
  • Actividades 9:00 – 14:00 h
  • Comedor 14:00-16:00 h
• Actividades a desenvolver: Talleres, xogos cooperativos. Dinámicas de grupo, Actividades náuticas (somentes turno quincenal) e comedor.
• Lugares onde se levará a cabo o programa:
  - Ceip Nazaret/Ies Rodeira.
  - Coolexio Sagrada Familia//Ceip Espiñeira-Aldán
• O prezo varía entre:
  - Actividades de mañán: 5 €/día
  - Actividades de mañán + comedor: 9 €/día

As inscricións estarán abertas dende o 26 de abril ao 12 de maio.

Para máis información e inscrición diríxase á Casa da Xuventude, Rúa Real 29, ou chame ao teléfono: 986 392 171.

NOTA: A Concellaría de Servizos Sociais, Igualdade e Sanidade porá a disposición da veciñanza de Cangas axudas para unidades familiares que por escaseza de recursos económicos non poden afrontar o custo das actividades de verán. O prazo de solicitude destas axudas será do 26 de abril ao 12 de maio. Para máis información dirixirse a Centro Municipal de Benestar Social, Rúa Andalucia, 3 Baixo - Edificio Xoia ou no teléfono: 986 392 266/67