Parabéns a Solange Pereira

A Concellaría de Deportes e tódolos seus membros, en nome e representación do Concello de Cangas, desexan expresarlle os seus máis sinceros parabéns á atleta SOLANGE PEREIRA, tras a dobre medalla: ouro (relevos 4 por 400m.) e bronce (1.500 m.l.) no Campionato de España de Atletismo celebrado esta recente fin de semana en Xetafe.

Solange, ademais, ven de ser convocada pola Selección Española de Atletismo para o vindeiro Campionato de Europa (proba de 1.500 m.l.) que se celebrará os días 7-12 agosto de 2018 en Berlín -Alemaña-.

Dende aquí, ademais desta felicitación puntual ó deportista, gustaríanos transmitirlles os mellores desexos de futuro e que cheguen moitas máis alegrías coma a que motiva a presente felicitación.