Xornadas de portas abertas nos colexios para favorecer o ensino público

A Concellaría de Ensino xunto aos centros de educación infantil e primaria do Concello de Cangas comezan unha campaña a prol do ensino público para que a veciñanza de Cangas se anime e coñeza os colexios máis próximos aos seus domicilios. Algo que se pode conseguir de primeira man participando nas xornadas de portas abertas que terán lugar o martes 27 de febreiro e o 6 de marzo nos CEIPs A Rúa, Castrillón, Nazaret, Espiñeira-Aldán, O Hío e San Roque de Darbo. Con estas visitas quérese trasladar que no servizo público os nenos e nenas poden medrar día a día dun xeito integrador, participativo e democrático, ao mesmo tempo que agradable. Polo tanto, a persoa que elixe escola pública, escolle:

• Educación personalizada.
• Aulas de educación especial e profesorado de apoio.
• Equipos psicopedagóxicos.
• Orientación escolar para o alumnado.
• Transporte.
• Instalacións deportivas.
• Bibliotecas e laboratorios.
• Recintos escolares amplos.
• Profesorado especializado.
• Actividades extraescolares.
• Comedores escolares.
• Unha escola sen discriminación, con igualdade de oportunidades.

Unhas características que se obteñen de forma gratuíta. A matrícula poderase realizar entre o 1 e o 20 de marzo na seguinte rede de centros:

• CEIP A Rúa
• CEIP Castrillón- Coiro
• CEIP Nazaret Cangas
• CEIP San Roque Darbo
• CEIP O Hío
• CEIP Espiñeira Aldán
• IES Monte Carrasco
• IES María Soliño
• IES Rodeira