Axudas comedor escolar curso 2018/2019

A concellaría de Ensino e Deportes do Ilmo Concello de Cangas ven de propoñer as Bases Reguladoras para a concesión de axudas do servizo de comedor destinado a alumnos/as de Educación Infantil (segunda etapa) e Educación Primaria dos CEIP CANGAS, CEIP HIO, CEIP Espiñeira e CEIP A Rúa, para o curso 2018/2019.

O obxecto da presente convocatoria é regular o sistema de concesión de becas de comedor, nos centros escolares que dispoñan deste servizo de catering para o curso 2018-2019, dirixidas a menores escolarizados na segunda etapa de Educación Infantil e Educación Primaria, nos CEIP de Espiñeira, o Hio, Nazaret e a Rúa.

As axudas de comedor van dirixidas a familias con dificultades socioeconómicas e outorgaranse de acordo aos principios de publicidade, concorrencia e obxectividade.

O fin último destas subvencións é o de favorecer a integración socio laboral dos pais, nais, titores ou acolledores dos menores, apoiando as unidades familiares que por escasez de recursos económicos non poden afrontar o custo do comedor escolar dos menores.

As axudas municipais de comedor son incompatibles con calquera outra axuda para a mesma finalidade de organismos públicos ou privados, comprometéndose o solicitante a comunicalo e reintegralo ao Concello no caso de ter percibida outra axuda.

O prazo de presentación de solicitudes para o curso 2018/2019 será do 2 ao 31 de xullo (ámbolos dous incluídos).