Inicio dos Obradoiros de Tempo Libre

A Concellería de Servizos Sociais, Igualdade e Sanidade do Concello de Cangas informa de que o vindeiro día 16 de outubro darán comezo os obradoiros de tempo libre, nos que participan 532 persoas maiores e 80 persoas pertencentes a colectivos de Cangas, as cales se inscribiron durante o pasado mes de setembro. Os cursos con maior demanda son os de ximnasia, con 180 participantes,  e  Ioga, con 130 participantes.

Os  obradoiros prolongaranse ata o mes de xuño de 2018 e desenvolveranse nas seguintes dependencias municipais:

• Ximnasia: Pavillón de Romarigo
• Ximnasia: Pavillón de Gatañal
• Ximnasia: Centro Sociocultural de Coiro
• Bailes de salón: Centro Social Cangas
• Ioga: Centro Social Cangas, Casa do Mar Aldán
• Pilates: Centro Social Cangas
• Informática: Centro Social Cangas.
• Memoria: Centro Social Cangas, Escola vella do Hío, e Casa da Aldea de Nerga
• Pintura: Centro Social Cangas

O Concello de Cangas pretende, un ano máis, enfocar estes obradoiros dirixidos para persoas maiores e colectivos cunha tripla función: educativa, lúdica e de saúde.

Os/As participantes poderán consultar os distintos grupos e horarios que lle corresponden no Centro Social de Cangas, no Centro Municipal de Benestar Social, e na Casa da Xuventude, a partires do luns 9 de outubro.

Así mesmo, desde o luns 9  ata o vindeiro venres 13 de outubro, ábrese un prazo para cubrir vacantes  en distintos obradoiros para persoas maiores. As actividades nas que existen prazas vacantes son:

• Ximnasia Gatañal/ Romarigo
• Pintura
• Memoria en Cangas e Nerga
• Informática.
• Ioga Aldán

Dado que este é un prazo excepcional de inscrición, as vacantes concederanse por rigorosa orde de rexistro.

Lembramos que para participar nestes obradoiros hai que cumprir os seguintes requisitos:

• Estar empadroado/a no Concello de Cangas
• Pagar 30 euros no momento da inscrición
• Ter mais de 55 anos: acreditando ser pensionista ou carecer de rendas, a excepción do subsidio de desemprego (e non ter traballado nos últimos 12 meses)