Data de inicio:
Sábado, 2 de abril ás 21:00 horas.
TEATRO EN PUNTO Presenta: CAMBIOS DE DESTINO de Rubén Ruibal Dirección: Nerea de Valenzuela. Interpretación: Gloria Rico. Iluminación e escenografía: TEP. Vestiario: Cloti Vaello. Selección musical e asesoramento documental: Fer Ocampo. Fotografía e deseño gráfico: Fernando de Valenzuela Bandín. Asistencia técnica: RTA SINOPSE: A liberdade é un camiño asilveirado, unha toxeira por desbravar. Día a día temos que cambiar de destino para conseguila, para deixar de ter medo, para deixar de tremer, para que o corazón non latexe tan rápido... ou para que non deixe de latexar.
Unha muller é destinada en interinidade a algunha aldea da Galicia rural. Alí descubrirá modos de vida e de pensamento que cría esquecidos e terá que adaptarse á maneira de ver o mundo da nova veciñanza e do alumnado. Pero, sobre todo, descubrirá o que son a verdadeira soidade e o medo certo. Todas estas circunstancias farán que teña que indagar no seu interior, evolucionar e madurar emocionalmente na procura dunha liberdade que aínda non coñecera. Público: Adulto. Xénero: Teatro contemporáneo. Duración: 50 min. Idioma: Galego. Venda de localidades: Despacho de billetes do auditorio. 2 horas antes do comezo da función. Prezo da entrada: 5€