Unha invitación a dicir NON á violencia de xénero!
Autora: Montse Fajardo.
Dirección: Marián Bañobre.
Adaptación: Marián Bañobre e Santiago Cortegoso. Escenografía:Redrum Teatro. Deseño son: Alex Sampayo. Deseño iluminación:Laura Iturralde. Vestiario: Redrum Teatro. Música: Davide González.
Elenco artístico: Mela Casal, Shyela Fariña e Nieves Rodríguez.
Un lugar indeterminado.
Tres mulleres.
Sete testemuños reais.
Un millón de razóns para falar do maltrato.
Non máis invisibles.
Invisibles é un espectáculo de creación colectiva a partir da novela homónima de Monste Fajardo, que presenta ante o público diversas historias cun fío común entre elas: a violencia de xénero. O seu interese reside na exposición de historias reais protagonizadas por mulleres galegas, historias sobre malos tratos, algunhas delas xa coñecidas polo público pola súa repercusión mediática. A pretensión fundamental deste espectáculo é concienciar e sensibilizar ás espectadoras e aos espectadores con esta lacra que invade a nosa sociedade.
Invisibles quere respectar e conservar a necesaria dimensión lúdica do teatro, pero aproveitando tamén a súa capacidade transformadora.
Entrada de balde!