Data de inicio:
Martes, 27 de decembro ás 18:00 horas
Sinopse:
En O mundo máxico de Pinocho, o público atoparase cunha curiosa adaptación ao teatro musical do clásico de Carlo Collodi. Unha historia contada a través dos ollos de Pepiño Grilo, que xunto coa Fada Mimadriña, Raposo e Gato acompañará a Pinocho no camiño de converterse nun neno de verdade. Un camiño que comeza no taller de Gepetto, e que pasará pola escola, por un circo de monicreques onde un malvado titiriteiro intentará raptalo e ata pola barriga dun peixe xigante. Todo para que o protagonista aprenda que dicir mentiras ten as súas consecuencias.
A proposta, de 60 minutos de duración máis fotografías ao remate da función cos protagonistas, mestura diferentes técnicas, como o teatro musical con voz e piano en directo, a maxia de grandes ilusións, as sombras chinesas e os corpóreos. Un completo espectáculo no que a participación do público será constante, e que está especialmente pensado para o público familiar con cativos a partir de 2 anos.
Tralos éxitos acadados cos musicais de 'Os tres porquiños' e 'Carapuchiña Vermella', EducaTeatro Producións® volve percorrer Galicia renovando os clásicos da literatura infantil, desta volta, con 'O mundo máxico de Pinocho'.
Idioma:
Galego
Duración:
60 minutos
Público:
Infantil e Familiar
Venda de Localidades.
Anticipada: 8€. Ataquilla.com
O mesmo día: 10€. Despacho de Billetes do Auditorio, de 16 a 18 horas.