CONVOCATORIA PARA CUBRIR INTERINAMENTE TRES PRAZAS DE TÉCNICAS/OS DE XESTIÓN DE RESIDUOS, E UNHA PRAZA DE TÉCNICO/A DA APP REVITALIZA, VACANTES NO CADRO DE PERSOAL FUNCIONARIO DA DEPUTACIÓN DE PONTEVEDRA.
a. Número e características das prazas convocadas
O número de prazas vacantes, a súa denominación e características relaciónanse a continuación:
• Tres prazas de técnicas/os de xestión de residuos, encadradas na escala de Administración Especial, Subescala técnica, clase técnicos/as medios/as e integradas no grupo A2, por quenda libre.
• Unha praza de técnica/o da APP Revitaliza, encadrada na escala de Administración Especial, Subescala técnica, clase técnico/a medio/a, integrada no grupo A2, por quenda libre.
Prazo para a presentación de solicitudes:
O prazo para presentar as solicitudes será de 10 días naturais, contados a partir do día seguinte ao da publicación da convocatoria no Boletín Oficial da Provincia de Pontevedra (BOPPO).