Ademais da súa historia, Hío deleitaranos coa súa natureza. Así poderemos recrearnos vendo os cantís da Costa da Vela, que abarcan a liña costeira ata Cabo Home; o parque natural das Dunas de Barra (segundos en importancia da provincia) ou os cantís da costa da Vela e Soavela son os mesmos, dunha beleza sorprendente. Tamén podemos facer unha ruta a pé polo camiño que ascende ata o cumio do monte de O Facho. Dende aquí o viaxeiro pode contemplar ademais das Illas Cíes e Ons, unha panorámica impresionante que abrangue gran parte das Rías Baixas.
A súa proximidade ás Illas Cíes e as Illas Ons (o Parque Nacional Illas Atlánticas ) confírelle un carácter moi mariño, ao acharse rodeado de mar, o océano Atlántico ao oeste, norte e sur, e a Ría de Aldán ao leste.
A parroquia de O Hío conta cun conxunto monumental de extraordinaria importancia, O Cruceiro de Hío, considerado o cumio da arte popular en Galicia, do que cómpre admirar de vagar as súas numerosas figuras e múltiples rostros que o animan compoñendo a historia da redención dos homes.
O folclore tamén ten unha mención relevante pola famosa Danza de San Roque, que o día 16 de agosto, báilase no atrio parroquial fronte ao famoso cruceiro.
Lugares de Hío: Donón, Igresario, Nerga, Pinténs, Vilariño, Vilanova e Liméns.
Praias
De leste a oeste e de sur a norte: Temperáns, Os Castros, Nerga, Viñó, Barra, Melide, Couso, O Portal, Rabáns, Alada, Estrepeiros, Areabrava, Castiñeiras, Pipín, San Xián, Pinténs, Arneles, A Testada, Liméns e Vilariño.
Que visitar
- Cruceiro do Hio.
- O Facho.
- Costa da da Soavela (Costa da Vela), e faro de Cabo Home.
Festas e celebracións
- Festas do Cristo da Luz, o primeiro domingo de Xullo.
- Festas de Santiago de Donón, o 25 de Xullo.
- Festas de San Lorenzo, o 10 de Agosto.
- Festas de San Roque, o 16 de Agosto.
- Festas de San Andrés, o 30 de Novembro.
A danza de San Roque no Hío:
A danza de San Roque está declarada de interese turístico galego.
Ten lugar o 16 de agosto despois dos oficios relixiosos. O Cruceiro do Hío é o escenario no que se interpreta a tradicional Danza coñecida como «Danza de San Roque» ou «Dos Peregrinos», que data do século XIV e da que se conservan varias hipóteses sobre a súa orixe. Un requisito imprescindible para ser mordomo ou danzante desta celebración é ser natural do Hío. A Contradanza é a parte realizada de regreso á igrexa cando San Roque volve ao templo. Bailan sen chaqueta pola tarde.
A diferencia entre as dúas pezas, Danza e Contradanza, está na velocidade dos movementos e nos instantes en que se interpreta. A Contradanza ten uns tempos de catro por catro, é dicir, unha muiñeira que é tamén como se coñece esta parte da peza. A Danza acompaña á procesión sen que os danzantes cesen de bailar durante a mesma, mentres que a Contradanza realízase a maior velocidade no adro á recollida da solemne procesión.