PLAN MUNICIPAL DE PREVENCIÓN DE DROGODEPENDENCIAS
PROGRAMAS DE PREVENCIÓN NO MEDIO ESCOLAR E FAMILIAR CURSO 19/20
Os programas preventivos buscan un desenvolvemento integral das persoas baseándose na educación para a saúde. Para que a nosa actuación preventiva sexa o máis eficaz posible cómpre que forme parte dun proceso continuado e reforzado en sucesivos cursos académicos e integrado nos currículos.
O medio educativo é un marco idóneo onde traballar programas de prevención xa que nel conflúen familia, profesorado e iguais nun período tan longo como para que se faga sentir a súa influencia nos hábitos e costumes do alumnado. A participación de familia e profesorado nestes programas é moi importante polo papel que xogan como axentes de saúde.
O Concello de Cangas, desenvolve un programa de prevención de drogodependencias dende o ano 1997, que revisado ano a ano e ampliado, ten proxectadas para este curso académico 2019 – 2020 as intervencións nos centros de ensino que se detallan nesta carpeta e cuns obxectivos que son:
. Incidir no medio escolar para propiciar a xeración de actitudes e comportamentos de vida saudable.
. Dotar á comunidade educativa de instrumentos de traballo que faciliten un posicionamento positivo do alumnado ante a saúde.
. Crear un marco de debate e reflexión sobre o papel que ten o profesorado e as persoas que integran as familias como educadores e educadoras.
A experiencia de educar para a saúde na escola
|
Actividades para o alumnado que, aparte da información global se centran no incremento dos niveis de competencia persoal.
Obxectivos. Dotar ao alumnado de información obxectiva e veraz sobre hábitos nocivos e darlle instrumentos para o coidado da saúde.
Contidos. Os materiais didácticos do programa constan dunha guía do profesorado por ciclo educativo e fichas de actividades para o alumnado.
Destinatarios. Profesorado e alumnado de tódolos ciclos educativos.
Metodoloxía. Implantación progresiva do material no programa educativo do centro. O profesorado traballa a proposta utilizando unha metodoloxía participativa.
Inscrición. Mediante impreso anexo ao comezo do curso.* Materiais pendentes de edición. Pódense conseguir na páxina web do SERGAS, nas direccións do anexo.
|
Obradoiro de habilidades sociais e prevención de drogodependencias.
|
O obradoiro trata de influír sobre as crenzas e actitudes dos escolares ante as drogas, as intencións de consumo futuras e os hábitos de consumo.
Obxectivos. Propiciar o debate e a reflexión para xerar comportamentos de vida saudable, facilitando un posicionamento positivo do alumnado ante a saúde.
Contidos. . Conceptos básicos en drogodependencias. . Mitos e actiudes. . Traballo básico de habilidades.
Destinatarios. Alumnado de ESO. A demanda en EPO
Metodoloxía. Non directiva, intentando establecer espazos de expresión, escoita e elaboración no aula para o traballo de actitudes a través do diálogo. En todo caso, activa, participativa, dinámica e constructiva.
Inscrición: Por mediación da dirección ou do departamento de Orientación do centro educativo.
|
Obradoiro de prevención de drogodependencias “Non pasa nada, pasa algo”
|
Obradoiro de prevención selectiva que trata de influír sobre as crenzas e actitudes ante as drogas reflexionando en torno aos hábitos de consumo.
Obxectivos. Propiciar o debate e a reflexión para xerar comportamentos de vida saudable, facilitando un posicionamento positivo do alumnado ante a saúde.
Contidos. . Información contrastada sobre drogas. Factores de risco e protección. . Mitos e actitudes. . Traballo básico de habilidades.
Destinatarios. Alumnado de ESO. A demanda en EPO
Metodoloxía. Non directiva, intentando establecer espazos de expresión, escoita e elaboración no aula para o traballo de actitudes a través do diálogo. En todo caso, activa, participativa, dinámica e constructiva.
Inscrición: Por mediación da dirección ou do departamento de Orientación do centro educativo.
|