Ir o contido principal

Programa Deportivo

Cartel Deportes 2019

Programa deportivo

O Programa, que se iniciará o vindeiro luns, día 30 de setembro, terá una duración de 8 meses finalizando o 31 de maio de 2020.

Para ese curso 2019/20 ofértanse un total de 14 actividades, e prevese a participación de máis de 800 nenos/as.

O prazo de recollida de inscricións rematará o venres, día 20 de setembro de 2019 (ás 13.30 h). As inscricións deberán formalizarse nas oficinas da Concellaría de Deportes, sitas na Casa da Xuventude de Cangas, de luns a venres, en horario de 09.00/13.30 h.

Algunhas das actividades ofertadas teñen as PRAZAS LIMITADAS.

O Programa Deportivo é un conglomerado de actividades extraescolares que se ofertan dende a Concellaría de Deportes, para os nenos/as de educación infantil e primaria, dos 10 centros educativos do Concello de Cangas.

As actividades son impartidas polos monitores responsables dos propios clubs deportivos do municipio, xa que o obxectivo principal deste programa é dar a coñecer a actividade nos colexios, e se lles gusta que o seu tránsito a un club sexa máis sinxelo.

A día de hoxe xa son moitos os nenos/as que comezaron nas Escolas Deportivas da Concellaría de Deportes, e que co paso dos anos conseguiron grandes resultados deportivos a nivel autonómico e nacional na súas respectivas modalidades.

Dende a Concellaría de Deportes, agradecer a enorme colaboración das ANPAS, CENTROS ESCOLARES e CLUBS do municipio, sen os cales sería moi complicado levar a cabo este Programa Deportivo Escolar.

Descargas