OBRADOIROS DE LECER PARA MAIORES

A Concellería de Benestar do Concello de Cangas abrirá o vindeiro luns 14 de setembro o prazo de inscrición para os Obradoiros de Lecer para persoas maiores do curso 2026/2027.

Estes obradoiros teñen como obxectivo promover un envellecemento activo e saudable, ofrecendo ás persoas participantes unha alternativa para ocupar o seu tempo de lecer dun xeito participativo, consciente e útil.

A programación inclúe actividades físicas, artísticas, culturais e de estimulación, pensadas para favorecer a participación das persoas maiores na vida social e cultural da comunidade.

OBRADOIROS OFERTADOS:

• Ximnasia
• Relaxación-Ioga
• Pilates
• Debuxo e pintura
• Baileterapia
• Expresión corporal e teatral
• Memoria
• Corte e confección

INSCRICIÓNS:

As inscricións realizaranse presencialmente no Centro Sociocomunitario, situado na rúa Cuba, fronte ao Concello de Cangas.

Prazo: do 14 ao 25 de setembro, ambos incluídos.
Horario: de 9.30 a 13.00 horas.

REQUISITOS IMPRESCINDIBLES

Estar empadroado/a no Concello de Cangas.

Ter máis de 55 anos, acreditando ser pensionista ou carecer de rendas, agás o subsidio de desemprego, e non ter traballado nos últimos 12 meses.

Pagar a taxa de 30 euros por obradoiro no momento da inscrición.

Cada persoa poderá inscribirse nun máximo de 3 obradoiros.