08-05-2020 - AVISO - a partir do próximo luns día 11 de maio, o Concello de Cangas vai abrir os CEMITERIOS

Se a autoridade competente permite entrar a Galicia e/ou á provincia de Pontevedra na 1ª fase da chamada desescalada, a partir do próximo luns día 11 de maio, o Concello de Cangas vai abrir os CEMITERIOS a partir do mesmo día e permitirá visitas rápidas aos mesmos dentro das condicións que rexen para o resto de actividades:

1. As visitas non poden ser prolongadas para, por exemplo, facer arranxos que leven moito tempo. Poderanse, iso si, executar actividades máis rápidas como cambiar flores.

1. Están prohibidas as aglomeracións. No caso de estar saturado de xente, volverase a outra hora ou outro día.

1. Os horarios serán os seguintes:

• Hío e Aldán de 9 a 21h.
• Darbo, Coiro e Cangas de 9 a 12h e de 19 a 21h.

So se poderá achegar a xente que viva no radio de 1 km do cemiterio e ademáis
recoméndase encarecidamente o uso de luvas/guantes e máscaras para protección individual.

Por orde da Xunta de Galicia, a veciñanza de Aldán e O Hío non estará suxeita a restricións horarias nos paseos nin nas visitas, pero si ao resto da normativa de distancia de 1 km, de tempo curto da visita, de evitar as aglomeracións e de tomar as medidas hixiénicas pertinentes.