ENREDOS DE VERÁN 2020

Do 6 de xullo ao 28 de agosto.

O Concello de Cangas dada a situación de excepcionalidade con motivo da pandemia do coronavirus COVID-19 e co fin da dar resposta ás necesidades de conciliación das familias, pretende que este ano o programa Enredos de Verán vaia dirixido preferentemente as familias (ambos proxenitores ou familias monoparentais) que xustifiquen a necesidade de conciliar

QUENDAS

Por mor da situación de pandemia a organización da actividade neste ano 2020 será a seguinte:

* Formación de grupos , sempre en cumprimento das medidas que as autoridades sanitarias e responsables das actividades de lecer educativo deberán implementar con carácter xeral

* As quendas serán mensuais polo que quedará establecidas asi:

     1ª quenda do 6 ao  31 de xullo ( 4 semanas/20 días de actividade)

     2ª quenda do 3 ao 28 de agosto ( 4 semanas/20 días de actividade)

Somentes se podrá participar nunha quenda a menos que haxa vacantes

Horario: 9:00-14:00 horas

Por mor da situación de pandemia non haberá servizo de comedor.

Lugares de celebración:  Ceip San Roque, Ceip Coiro Castrillón, Ceip A Rúa, Ceip Aldán-Espiñeira, Ceip Hio, Ies Rodeira

PARTICIPANTES

 Terán preferencia para solicitar a súa participación nas actividades ofertadas nesta convocatoria as rapazas e rapaces empadroados en Cangas (comprobarase de oficio),  sempre e cando cumpran as seguintes condicións:

1.-En canto as idades mínimas e máximas deberán terse en conta o seguinte :

- Os/As nados/as no ano  2007  non poderán cumprir 13 anos antes da finalización do campamento.

- Idade mínima:  Nados no ano 2016 .

2.- Que os seus proxenitores ou titores/as legais acrediten a necesidade dun servizo de conciliación laboral e familiar no horario do programa.

3.-Para ser admitido no campamento será necesario non padecer enfermidade transmisible con risco de contaxio nin trastorno de conduta e/ou de comportamento que dificulte a convivencia.

4.- Control e prevención da COVID-19

Non se permitirá a participación de persoas que pertezan a grupos de risco, ou que convivan con grupos de risco: diabete, enfermidade cardiovascular,enfermidade pulmonar crónica, inmunodeficiencia, cancro en fase de tratamento activo, mulleres embarazadas, maiors de 60 anos.

Garantirase o cumprimento de protocolos de seguridade (medidas persoais de hixiene, e prevención obrigatorias), así como a intensificación das tarefas de limpeza e desinfección dos espazos e materiais

Os/as monitores/as e a dirección da actividade velarán pola seguridade da actividade mediante o control da declaración de saúde de cada participante. Os/as pais/nais dos/as participantes deberán responsabilizarse da súa situación particular fronte a COVID-19, de tal forma que se algún presenta sintomatoloxia asociada coa enfermedade, non acudirá  e contactará co/a monitor/a responsable da actividade.

Para garantir esto cada nai, pai ou titor/a asinara un compromiso por escrito antes de empezar a actividade.

O incumprimento destas normas dará lugar á inadmisión da solicitude.

PERSOAS CON DISCAPACIDADE

 As persoas que teñan unha discapacidade igual ou superior ao 33% poderán participar nesta convocatoria cumprindo os seguintes requisitos:

- Facer constar a súa condición no apartado que figura no impreso de solicitude, co fin de planificar os apoios persoais necesarios.

- Que no certificado de recoñecemento de discapacidade non se recolla a necesidade de axuda de terceira persoa.

- Ter capacidade de integración nun grupo e que as súas limitacións e/ou necesidades especiais lles permitan participar e beneficiarse das actividades  e dos horarios que se van desenvolver no destino que soliciten. Esta capacidade poderá ser valorada polos equipos técnicos do Concello de Cangas.

Os requisitos sinalados serán condición para a admisión da solicitude e o seu incumprimento non permitirá a participación da persoa solicitante no campamento.

PREINSCRIPCIÓN:

DOCUMENTACIÓN QUE DEBEN PRESENTAR AS PERSOAS PARTICIPANTES SELECCIONADAS

As persoas participantes deberán presentar ademáis da solicitude (anexo I)  seguinte documentación:

• • O xustificante do pagamento (entregarase unha vez confirmada a praza)
  • Unha fotocopia do DNI/NIE da persoa solicitante ou a folla correspondente do libro de familia.
  • Unha fotocopia da tarxeta sanitaria
  • O cuestionario de saúde e autonomía persoal (anexo II).
  • A declaración responsable de cumprimento medidas COVID-19. (Anexo IV)
  • Docuimentos acreditativos da necesidade de conciliación.

 No caso de persoas con discapacidade ademais:

• certificado acreditativo do grao de discapacidade e a copia do ditame técnico facultativo emitido polo equipo de valoración e orientación correspondente.
• Anexo III Cuestionario de necesidades especificas de apoio.

 PREINSCRIPCIÓN

 As solicitudes  de preinscripción xunto coa documentación correspondente  enviaranse por corrreo electrónbico a xuventude@cangas.gal

 Os impresos de solicitude deben ser cubertos de acordo coas seguintes normas:

a) Cada mozo ou moza só poderá cubrir unha solicitude e elixirá o tipo de quenda.

b) Os datos da persoa solicitante deben ser os da rapaza ou rapaz que opta a participar nas actividades.

c) As solicitudes deberan estar asinar os/as pais/nais ou titores/as dos menores.

A presentación da preinscrición implica a aceptación das normas deste procedemento.

PRAZOS

PREZOS

A Xunta de Goberno Local do Concello de Cangas, en sesión ordinaria celebrada o 6 de novembro de 2017, ao amparo do artigo 4 da Ordenanza Reguladora de prezo público por impartición de cursos, ludotecas, viaxes e outras actividades de carácter deportivo e/ou socioculturais organizadas polo  Concello (BOPPO nº 38 de 23/02/2012) acordou a aprobación dos seguintes presos públicos para o pago das actividades do programa “Enredos”:

         * Por Quenda de 4 semanas  100 €/         

Cando o importe a aboar por unha familia supere os 200 € , poderá fraccionarse o pago, a petición do/a interesado/a  realizándose do seguinte xeito: 1º pago 50% no momento de realizar a inscripción, 2º pago 50%  na semana anterior ao inicio da actividade. Para solicitar o pago fraccionado deberá domiciliarse o 2º pago.

4.- As persoas  solicitantes das actividades poderán optar a unha bonificación sobre a taxa establecida en base a cumplir unha serie de requisitos:

1º.- Desconto por  varios irmáns: A incripción dos irmáns terá unha bonificación do 50% cada un deles a partires da 2ª inscripción.

2.- Desconto tendo en conta a a situación económica do solicitante e o seu cónxuxe ou parella. Para ter dereito a esta bonificación as persoas interesadas deberán presentar a correspondente solicitude xunto coa documentación requerida e no prazo establecido que coincidirá co periodo de inscripción no programa Enredos. Dita documentación servirá de base para realizar  o cálculo dos ingresos mensuais tendo en conta tódolos ingresos do solicitante e cónxuxe ou parella, que comprenderán pensións e prestacións de previsión social (calquera que sexa o seu réxime), rendementos do traballo, rendementos de capital mobiliario e inmobiliario, rendementos de actividades económicas e as ganancias e perdas patrimoniais.

As bonificacións serán as seguintes:

• Bonificación do 100 % do custe do servizo de comedor escolar para os alumnos pertencentes a unidades familiares perceptoras da RISGA ou cunha renda igual ou inferior a contía desta prestación [Ingreso mínimo: 75 % do IPREM (403,38 € ) + Complemento familiar: 14 % do IPREM mensual adicional polo 2º membro (75,29 €) ; 12 %  adicional polo 3º (64,54 €) ; 10 % adicional polo 4º e sucesivos (53,78 €) + Complemento de alugamento: 10 % adicional (53,78€), sempre que se xustifiquen gastos por dito concepto]

• Bonificación do 85 % do custe do servizo de comedor escolar para os alumnos pertencentes a unidades familiares cunha renda inferior ao 125 % da contía da RISGA (Ingreso mínimo + Complemento familiar + Complemento de alugamento).

• Bonificación do 60% do custe do servizo de comedor escolar para os alumnos pertencentes a unidades familiares cunha renda inferior ao 125 % do IPREM + 15 % adicional por cada membro da unidade familiar.

• Bonificación do 50% do custe do servizo de comedor escolar para os alumnos pertencentes a unidades familiares cunha renda inferior ao 150 % do IPREM + 15 % adicional por cada membro da unidade familiar.

As bonificacións previstas neste artigo non son acumulables.

As solicitudes de bonificación realizaranse no Centro Municipal de Benestar Social do 18 ao 25 de xuño a través do correo electrónico benestarsocial@cangas.gal

5.- Se, unha vez obtida a praza e aboado o prezo correspondente, a persoa interesada non puider asistir á actividade, só terá dereito á devolución deste no caso de que comunique a renuncia á praza por escrito e solicite a devolución da cantidade aboada polo menos vinte días naturais antes do inicio da actividade, ou cando por causas non imputables á persoa interesada non se preste o servizo ou a Administración anule a actividade.

Todas aquelas solicitudes de devolución de cota que non sexan presentadas, tal e como se reflicte no apartado anterior, serán denegadas independentemente da causa xustificativa que se alegue na respectiva solicitude.

A solicitude poderá presentarse no rexistro xeral do Concello de Cangas, ou en calquera dos lugares e rexistros establecidos na lei.. Deberá dirixirse ao Alcalde /presidente.