Comezan as xornadas de portas abertas no Campionato de Pombos de Raza

Desde mañá e ata o sábado ábrense as portas do Pavillón de Romarigo ao público para que todas as persoas interesadas poidan contemplar a beleza dos 900 exemplares que participan no XXVIII Campionato de España de Pombos de Raza. 

As visitas poderanse realizar dentro do seguinte horario:

• De luns a venres: de 10:00 a 14:00 e de 16:00 a 20:00 horas
• O sábado: de 10:00 a 14:00 e de 16:00 a 19:00 horas

Por outra banda, durante estes días, alumnado dalgúns centros escolares xa se pasaron pola instalación para ver os animais que compiten neste certame, tal e como fixeron nesta xornada os integrantes da Asociación Juan XXIII. 

Asemade, neste martes o tribunal rematou co axuizamento das aves e proclamou os campións das distintas categorías. Os dous equipos galegos participantes conseguiron un total de 6 medallas de ouro, 5 de prata e 3 de bronce.