Datos de contacto

Avda. de Castelao, 2. - 36940 - Cangas (Pontevedra).
Ver localización

+ 34 986 300 050

+ 34 986 304 850

info@cangas.gal

Horario de atención ao público: de luns a venres de 9:00 a 14:30.
Horario do Rexistro Xeral: de luns a venres de 9:00 a 14:00.


13 Gala do Deporte de Cangas

A tan só unha semana para o evento deportivo do ano presentouse esta mañá na Casa da Xuventude a 13 Gala do Deporte de Cangas, que terá lugar o vindeiro venres 13 de xaneiro ás 20:00 horas no Auditorio Municipal.

Unha gala máis que consolidada coa súa décimo terceira edición e que serve como colofón a un ano prolífico para o deporte cangués e como remate a este ano olímpico.

Nesta ocasión, xogando coa superstición (13 edición e venres 13), o motivo principal da gala serán os contrastes. Borja Brun, director da Gala do Deporte desde os seus inicios, recoñece que “este ano será unha gala escura e de contrastes, que empregará como leitmotiv o cabaré”. Ademais, contarase a maiores co acrosport, modalidade de ximnasia acrobática que forma parte da Federación Internacional de Ximnasia, conxugando a beleza das acrobacias co esforzo a nivel deportivo (deporte espectáculo).

Loreto Costa, xornalista deportiva da TVG, presentará este evento que contará, ademais, coas exhibicións do Club de Ximnasia de Pontevedra (do que é adestrador principal Pablo Hinojar). Durante aproximadamente hora e cuarto, Nelson Quinteiro e o seu equipo de cabaretistas acompañarán o transcurso da gala que contará con 5 actuacións. Ademais haberá moitas sorpresas para deleite do público.

Nesta ocasión 78 son os deportistas nominados, dos cales 26 resultarán premiados. A maior parte dos trofeos foron feitos polos membros do Obradoiro Ocupacional da Asociación Xoán XXIII.

Premios:

  • Mellor deportista cangués por modalidade deportiva – 15.
  • Recoñecemento a unha empresa pola súa axuda o deporte cangués.
  • Recoñecemento a unha persoa polo seu traballo co deporte de cangas.
  • Recoñecemento a un deportista cangués non en activo.
  • Recoñecemento a unha persoa/entidade pola promoción do deporte popular e tradicional.
  • Mellor club.
  • Mellor adestrador.
  • Mellor promesa masculina.
  • Mellor promesa feminina.
  • Premio david cal a proxección dos valores deportivos e culturais de galicia.
  • Mellor deportista masculino.
  • Mellor deportista feminina.

O Concelleiro de Ensino e Deporte, Xoán Chillón coincide na importancia de premiar o esforzo e os valores de inclusión e superación que dende o mundo do deporte se están a transmitir e convida a toda a familia do deporte de Cangas a apoiar este acto que premia a labor dos clubes e dos nosos deportistas.

Descargas