PRESENTACIÓN DO LIBRO “A NENA QUE PERDEU UN ZAPATO NA LAMA”

Dentro da programación do Mes das Letras Galegas en Cangas, o Concello acollerá a presentación do libro A nena que perdeu un zapato na lama, do escritor e académico Ramón Nicolás.

A obra achega ao público á infancia e ás raíces vitais de Begoña Caamaño, figura arredor da que xira a programación deste ano. A través da memoria, da biografía e da emoción, o libro permite descubrir algúns dos lugares, experiencias e vínculos que marcaron a vida dunha das voces máis comprometidas da cultura galega.

A presentación contará coa presenza do autor e será unha oportunidade para afondar na traxectoria de Begoña Caamaño, na súa relación coa lingua e na pegada que deixou na literatura e no pensamento galego contemporáneo.

Datos da actividade

Presentación: A nena que perdeu un zapato na lama
Autor: Ramón Nicolás
Data: 8 de maio
Hora: 19.00 horas
Lugar: Salón de Plenos do Concello de Cangas

A actividade forma parte da programación do Mes das Letras Galegas en Cangas, organizada polo Concello de Cangas a través do Servizo de Normalización Lingüística.