PRESENTACIÓN DO LIBRO “AS AVENTURAS DE CORALITA”

O Salón de Plenos do Concello de Cangas acollerá o vindeiro luns 15 de xuño, ás 19:00 horas, a presentación do libro As aventuras de Coralita, un conto infantil protagonizado por unha pequena tartaruga mariña.

A obra propón unha historia arredor da amizade, da solidariedade e das aventuras no mar, cunha finalidade solidaria: apoiar a realización de actividades para nenas e nenos con enfermidades raras ou oncolóxicas.

O acto estará aberto ao público, con entrada libre ata completar capacidade, e está especialmente pensado para familias e público infantil. Durante a presentación, as persoas asistentes poderán coñecer a historia de Coralita e achegarse a un proxecto que une lectura, infancia e solidariedade.

Cada exemplar adquirido contribuirá a facer realidade novos proxectos solidarios destinados á infancia.

DATOS DA ACTIVIDADE

Actividade: Presentación do libro As aventuras de Coralita.
Data: Luns, 15 de xuño.
Hora: 19:00 horas.
Lugar: Salón de Plenos do Concello de Cangas.
Entrada: Libre ata completar capacidade.
Organiza: Aire de Mar.